مقارنة بسيطة حسب التجربة بين تطبيق مصاريف و تطبيق HomeBudget Pro لـ ادارة المصروفات و الايرادات 

هلا بالزوّار و المتابعين الأعزاء ، جربت عدة تطبيقات لادارة المصاريف و الايرادات من عام ٢٠١٢ بفلوس و مجاني و لكن قررت اطرح انطباعي و مراجعتي لأفضل تطبيقان هم الأفضل بالابستور و قوقل بلاي .

نبدأ بتطبيق مصاريف :


الوصف : 

  • تطبيق من مطوّرين عرب و كلي فخر و أتمنى الاستمرار في عملهم و قدمت لهم اقتراحاتي و يردون و يتقبلون الاراء .
  • صراحة تطبيق مصاريف سهل جدا و مهتمين بالتصميم و المصروفات و الايرادات و الاحصائيات فيه جميلة جداً و أفضل من HomeBudget
  • فيه ميزة ما هي موجودة بالتطبيق الآخر و هي تقدر تحط عندك التزامات مالية شهرية مثل ايجار المنزل أو اقساط سيارة و غيرها من الالتزامات و يبدا هو يذكرك انك ترا ما دخلت هالمبلغ المطلوب لهذا الشهر و اذا سحبت على شهر محدد يتراكم عليك الاقساط و يصير ينبهك و طبعا انت تحط مبلغ الالتزام مثلاً ١٠ الاف و الشهور المحددة للتسديد مثلا ٦ شهور و هو يقسمه لك المبلغ و يذكرك بالتسديد .
  • تطبيق مصاريف سهل و هو مخصص لضبط المصاريف عندك ووجهة نظري ليس مخصص للادارة المالية كاملة في حياتك . طبعا الجميع محتاج فقط ضبط مصاريف و هذا هدف التطبيق .
  • تطبيق مصاريف فيه ميزة التخزين الاحتياطي التلقائي مثل دروب بوكس علشان لو انحذف التطبيق بالغلط ما تروح بياناتك .
  • فيه ميزة اضافة الراتب بالميلادي أو الهجري .
  • تصنيفات المصروفات جميلة و جاهزة لك و تقدر تعدل فيها و تضيف .
  • تقدر تعدل على الثيم للتطبيق و تغير لونه .
  • يتميز في ضبط المصاريف و الادخار “توفير”
  • المعلومات الاخرى اكتشفها بنفسك ✋️ علشان ما احرقه عليكم 😉️ .


تطبيق HomeBudget المدفوع 


الوصف :

  • عيوبه فقط لا يدعم اللغة العربية و التاريخ الهجري .
  • اشياء ما فيه في تطبيق مصاريف هو ” انك تقدر تحط لك حسابات كثيرة و تحدد نوعها كاش أو فيزا أو بنك و الخ و تقدر تحول بينهم رصيد و يعني اذا التزمت انك تسجل كل شي بوقته تعرف اللي بحسابك البنك و النقدي و الفيزا بدون ما تروح تفتح الجوال و تدخل موقع البنك لانه موجود قي تطبيق Home و هذي الميزة اللي اناشد فيها تطبيق مصاريف و ما اضافوها للاسف في هذاك الوقت .
  • نظام تسجيل الفواتير على شكل تقويم أو قائمة يوضح لك اللي تم دفعه أو اللي لم يتم دفعه .
  • اذا جيت تسجل شي اشتريته مثلا بالفيزا التسوق تقدر تسجل بالمصروف من حساب الفيزا و ينخصم بنفس التطبيق من حساب الفيزا نفس مبلغ اللي انخصم بالبنك . اما تطبيق مصاريف يجمع لك كل حساباتك بالحياة في حساب واحد بالتطبيق و بكذا ما تدري كم بالبنك و لا تدري انت دفعت هالشي من الفيزا او شبكة او نقدي او وشوو ؟؟ ف تتلخبط حساباتك و هذا اللي خلاني اترك تطبيق مصاريف .
  • تطبيق HomeBudget يحتل المراتب التوب 10 في تصنيف المالية في متجر ابستور و ايضا  انه بفلوس .
  • الشي اللي ما تحسفت عليه اشتريته من الابستور هو تويت بوت و HomeBudget.



ملاحظة :

المقارنة بينهم حسب احتياجاتي و لا ينقص من التطبيق شي و كلهم يعتبرون منافسين و يبقى الرأي الشخصي لا يأثر على أداء التطبيقات . و شخصياً استخدمهم كلهم ⭐️ و شكرا لهم .

التغريدة الخاصة بهذي التدوينة :

Any.Do أفضل تطبيق استخدمته لعدة سنوات لادارة مهامي اليومية و القادمة بكل سهولة

في يداية التطبيق كان جديد و غير معروف و كنت ابحث عن تطبيق لادارة المهام و للاسف ما كان يعجبني تطبيق المهام في الايفون و كانت بقية تطبيقات ادارة المهام او الملاحظات صعبة للاستخدام اليومي و غير مرتبة و متعبة و ممكن تمل منها ، و لله الحمد لقيت تطبيق Any.do فيه مميزات اللي ابيها و هي

  • يدعم اللغة العربية بشكل كامل .
  • تسجيل دخول بواسطة حساب قوقل و المهام محفوظة تخزين سحابي مو على ذاكرة الجهاز .
  • سهولة التصفح و اضافة المهام و اذا انتهت منها تقدر تشخط عليها يعني انتهيت منها و اذا تبي توديها لسلة للارشيف فقط عليك تهز الجهاز .
  • تقدر تكرر المهام بشكل يومي اسبوعي شهري سنوي .
  • انا ما استخدمته لكن تقدر تحط لك مجلدات للمهام ، لكن انا استخدم الايام فقط لان عندي تطبيق ايفرنوت و ملاحظات الايفون .
  • ميزة في تطبيق Any.do انه موجود بكل مكان على الابستور و قوقل بلاي و متصفح كروم و ايضاً على الويب .
  • التطبيق ما ودي احرقه عليكم و جربوه و عطوني رايكم فيه بالتعليق تحت أو منشن التغريدة .

📲 روابط any.do :

  • عبر موقعهم فالويب :  

 https://web.any.do

  • تطبيق iOS للايفون و الايباد من الابستور :

http://apple.any.do/Appstore-Original.html

  • تطبيق لاجهزة الاندرويد : 

https://www.any.do/anydo/android

  • اضافة في متصفح كروم :

https://chrome.google.com/webstore/detail/anydo/ocgddccilgpeepgglnlpchkpgamkgmld

منشن أو شارك التغريدة مع شخص نظامه حوسه ” يعني دايم ينسى مثلي انا 😹 “